1 мамыр күні Қазақстан ең мейірімді әрі жарқын мерекелердің бірі – Қазақстан халқының бірлігі күнін атап өтеді. Бұл мереке елімізде тұратын 150-ден астам ұлт пен ұлыстың бейбіт, тату өмір сүруі үшін аса маңызды құндылықтар – достық, түсіністік және келісімді дәріптейді. Әрбір этнос өзінше бірегей болғанымен, Қазақстан жерінде олар біртұтас, ынтымағы жарасқан халық ретінде өмір сүреді.
Бүгін, мереке қарсаңында Қостанай облыстық тарихи-өлкетану музейі Қостанай қаласындағы №19 жалпы білім беретін мектептің оқушылары үшін «Бір шаңырақ астында» атты этнографиялық жобаны ұйымдастырды.
Іс-шараға «Раздолица» славян және казак әндерінің халық ансамблінің солисі Вильдянов Радик Милыхатович және «Sezim» би студиясының бишілері қатысты.
Мерекелік бағдарлама Қазақстан халқы Ассамблеясының этномәдени бірлестіктерімен таныстыруды, сондай-ақ ән, би және интерактивті конкурстарды қамтыды.
