2025 жылдың 14 қазанында Қостанай облыстық тарихи-өлкетану музейінің 110 жылдығына арналған «Облыс аудандарындағы музей күні» атты мәдени-білім беру көрмелік жобасы Алтынсарин ауданында өтті.
Жоба барысында тұрғындарының назарына келесі көрмелер ұсынылды:
- «Жердің өткендегі тіршілігі» - палентология көрмесі;
- «Ежелгі артефактілер» - археологиялық көрме;
- «Қазақ халқының тұрмыс заттары» - этнографиялық көрме;
- «Шоқан Уалиханов - қазақтың жарық жұлдызы» - көрнекті ғалым, саяхатшы, этнограф, фольклоршы Шоқан Уәлихановтың туғанына 190 жыл толуына арналған фотоқұжаттық жылжымалы көрме;
- «Абай-дара тұлға, дана тұлға» - ұлы ақын, ағартушы, қазақ әдебиетінің негізін қалаушы Абай Құнанбаевқа арналған жылжымалы көрме;
- «Есімі халық жадында» - көрнекті саяси және қоғам қайраткері, «Алаш» қозғалысы көсемдерінің бірі, ақын, жазушы Міржақып Дулатовтың туғанына 140 жыл толуына орай көшпелі көрме;
- Ұлы Отан соғысындағы Жеңістің 80 жылдығына арналған «Мәңгі жадымызда» - соғыс жылдарындағы түпнұсқа мұралардан тұратын фотоқұжаттар көрмесі;
- «Өлке халықтарының мәдениеті мен тұрмысы» - Қазақстан халқы Ассамблеясының 30 жылдығына арналған этнографиялық көрме;
- «Белгілі қостанайлық суретшілердің туындылары» - музей қоры жиынтығынан көркемсурет көрмесі;
- «Алтынсарин ауданында өмірге келген Қазақстанның көрнекті тұлғалары» көрмесі.
