2026 жылғы 3 маусым күні Қостанай облыстық тарихи-өлкетану музейінің қызметкері Мұханбетқали Т.З. «Алау» телеарнасының «Өмір ағымы» бағдарламасының «Көненің көзі» айдарына қатысып, музей қорындағы қазақ әйелдерінің әшекей бұйымдары туралы әңгімеледі.

Тікелей эфир барысында көрермендерге қазақ халқының зергерлік өнерінің ерекшеліктері таныстырылып, музей қорындағы сырға, білезік, тұмар және басқа да әшекей бұйымдар көрсетілді. Сондай-ақ аталған бұйымдардың тарихы, маңызы, ұлттық мәдениет пен салт-дәстүрдегі орны туралы мәлімет берілді. Бағдарлама музей қорындағы құнды жәдігерлерді көпшілікке таныстыруға және ұлттық мұраны насихаттауға бағытталды.