2020 жылдың 7 қазанында «Алау» телеарнасының «Өмір ағымы» бағдарламасының «Көненің көзі» айдарында Қостанай облыстық тарихи-өлкетану музейінің қызметкері көрнекті педагог, жазушы, Қазақ КСР-на еңбегі сіңген оқытушы Спандияр Көбеевтің өмірі мен ұстаздық жолы туралы әңгімелеп берді.

Спандияр Көбеев 1878 жылы 1 қазанда Торғай облысы Николаев уезінің Обаған болысындағы №3 ауылда (қазіргі Меңдіқара ауданы Ақсуат ауылы) дүниеге келген. 1887 жылы екі сыныптық орыс-қазақ мектебінде оқыған. 1898 жылы Қостанай қаласындағы ауыл мектептеріне мұғалімдер даярлайтын екі жылдық педагогикалық класқа түседі. 1901 жылы педагогикалық сыныпты бітіргеннен кейін, Ырғыз уезінің Толағай болысындағы Кішіқұм ауылында еңбек жолын мұғалім болып бастайды. 1935 жылдан өмірінің соңына дейін Ақсуат орта мектебінде бала оқытады.

Спандияр Көбеев бар ғұмырын білім саласына, жас ұрпақты тәрбиелеуге арнады. Әңгіме барысында музей қорынан С.Көбеевтің құжаттары мен фотосуреттерін көрсетті.

https://www.facebook.com/it.kraeved.kst/videos/918078478683035/

https://www.instagram.com/tv/CGCTqVYAHEb/?utm_source=ig_web_copy_link

https://vk.com/video397862586_456239237?list=88644a2aa1de17965e